#كف_توعوي 👊🏻 في عالمنا العربي كل ما تحتاجه البنت : موبايل، اضاءه، غرفه ملابس وغرفة نوم فيها طاولة مكياج وبجامتين حرير عشان تلعب بالملايين وتصير قدوه للبنات وتتصدر المشهد👎🏻

#كف_توعوي 👊🏻 لما بتدعون لنفسكم (يا رب اضعف ما امتن) الحقوها ب (من غير مرض او سقم ) القدر موكل بالمنطق ..👌🏻

#كف_توعوي 👊🏻 في بنات ممنوعين من العمل ودراسة تخصص يبغونه، القعده في الكافيه، ممنوع يروحون المول بروحهم او ينزلون صوره في السوشال وفي نقاش مع عدد من الامهات استغرب من نفس الرد ( ادخلي السوشال وشوفي شو يكتبون الشباب عن البنت اللي تدرس هالمجال، تداوم بهالمكان ،تروح الكافيهات والمولات، كيف نظرتهم للبنات وكيف سمعتهم تكون فالقاع وشو يقولن عن هالفعاليه ويقولون عن اللي تنزل صوره لقهوتها معناه تبغي حد يغازلها) فكرة ان في اشخاص يعتنقون مباديء ويمشون حياة بناتهم بناء على اراء يقرونها في السوشال وبالتحديد شريحة الشباب امر مرعب جدا جدا بالاخص ان في ناس هني اعرف اهلهم شخصيا ، خواتهم وزوجاتهم يروحون يردون يسافرون ختمو فعاليات الخليج كله ينزلون صورهم كامله محد يحاسبهم وهني الاخ يجلد البنات على كل شي ويطعن باخلاقهم وعرضهن بسبب صوره عاديه او فعاليه .. اتقوا الله في ما تكتبون وبطلو اتهاماتكم للناس اذا راحوا فعاليه او درسوا تخصص معين ، في بنت يمكن تتوقف حياتها تماما بسبب تعليق تكتبونه هني ، وعزيزتي البنت كون اهلج عاطينج الحريه مش معناه تنكرين ان في بنت قدج ممنوعه من كل شي، عالاقل تعاطفي مع اللي تقرا وماتقدر تشتكي و تكتب شي..

#كف_توعوي 👊🏻 ما يجوز تقذف انسان لمجرد انك شفت طرحه ما يناسبك، بينك وبينه موعد عند رب العالمين في ارض المحشر و بيفصل بالحق فيما اتهمته قدام الناس، وله قصاص حتى مع اللي فتحوا مجال للطعن في شخص كل ذنبه انه اختلفت فكرياً معاكم هلكتونا بالازدواجيه اذا تكلم ريال بطريقه ما تناسب افكاركم طعنتم في رجولته واذا ريال قال كلام يعجبكم مدحتوه وقلتوا كفو لو هم الاثنين خاضوا بنفس المجال، ناقشو الفكره وهاتوا براهينكم مش تطعنون وتصفقون حسب المزاج. عموماً أعراف قبيلتكم وبيئتكم ومحيطكم مش هي الدين ولا هي أساس للتشريع الاسلامي، نحن نسيج متنوع من حضر وبدو، من البر والبحر، وسبع امارات لكل وحده تكوينها وتطورها المدني الخاص فلا تعمم ثقافة محيطك على الجميع

#كف_توعوي👊🏻 عموما لي تقريبا 14من صديقاتي متزوجات وعاملات عندهم اكثر من 6 اطفال، وما ابالغ عندي اكثر من 20 عندهم ما بين طفل وثلاثه فقط كانو يشتغلون وتركوا وظايفهم عشان عيالهم ، واكثر من 12 في محاولات للانجاب بسبب مشاكل صحيه في الطرفين الحرمه وريلها، وكثير كثير ودهم يحملون بس تم تحديد النسل بسبب القيصريات ومضاعفات الحمل وارتفاع تكاليف العلاج ومرض الزوج بالسكر والضغط وممارسات كثيرة وادويه في الgym اثرت على قدرته الانجابيه ما تحت السطح اكثر بكثير مما يراه الناس👌🏻التمسك بشماعه عمل المرأه و الحواطه في الكافيهات فقط شي مضحك ، لمره واحده فقط اسالو الحريم واسمعوهم

#كف_توعوي 👊🏻 مقولة (حب حياتي) مضحكه نوعا ما، المفروض نستبدلها بـ (حب هذي الفتره من حياتي)، الحب قابل للزياده والنقصان ، ويتبدل ويتغير وينتهي واحيانا الظروف تخلينا ننسى هالحب ونستبدله بحب ثاني وثالث بعد ويحل مكانه حب العيال وحب الذات المتاخر وحب امور كثيره ، لا ثبات في الحب هو متغير حسب تغيرات الانسان…

#كف_توعوي 👊🏻 هم لا يكرهونك انت بالذات يكرهون احساسهم بالعجز والفشل الذي تذكرهم به كلما تألقت .. كل نجاح لك يذكرهم بما لم يستطيعوا تحقيقه وكل خطوة نحو طموحك تثير احساسهم بالعجز، انت ليس هدف كراهيتهم انت شعورهم الضائع الذي يرفضون مواجهته..

#كف_توعوي 👊🏻 وددت لو اسرد نعم الله التي اسبغها علي بوجود رجال في عائلتي وان انهار الكون باسره انام مطمئنه لاني في حمى وذرى رجال يخافون ربي فيني ويعاملوني كاني ارث عظيم في عائله محبه ، ولكن لن تكفي مسودات الكره الارضيه لذلك ولا توجد صور توفي مواقفهم معاي يكفيني من هالدنيا ان عندي رجال بمحيطي وعالمي تقبلوا تفردي واختلافي واهتماماتي وساندوني بكل بقراراتي ولو بغيت الشمس شالوها من السما وحطوها بوسط بيتي ، انا اجزم ان شخصيتي هذي اليوم اللي ماتخاف و ما تنكسر وتنشاف فيني على بعد اميال سببها وجود رجال ما خافوا بيوم من فكره (ان البنت لازم تكون قويه ) وربوها على هالاساس

#كف_توعوي 👊🏻 للمره الالف ماعندي صديقات في هالبرنامج 🫤🫤 فرجاءا بتردون ع بنت ، بتبلكونها ، بتسحبونها المركز بتحطون محادثاتها هاك الدرب لا تاذوني وتقولين عشانج او الحشيمه لج ولاجل خاطرج لا لا لا محد له خاطر عندي اسااسا ، انا مش صديقة احد هني 🙂‍↔️👌🏻اعيد واكرر ماعندي ربيعات هني ، مش عاجبكم ان يعاملونكم انكم اراقوزات ومصخرينكم؟؟ اصقعوا من بيضتكم وخذوا حقكم ، واذا انتو ما تستجرؤون توقفون اللي يغلط عليكم ويمصخركم لان خايفين يكنسلونكم هني ويقلبون الكل عليكم لا تحطوني انا شماعه.. انا شووو !! هيه صح مش ربيعت احد هني وشكرا

وصل وصل حسيت انه كف توعوي 🤣🤣🤣👊🏻

#كف_توعوي 👊🏻 في حساب مشهور في الانستا بشكل كبير بالاخص عند بنات الثانويه والجامعه، كميه المسجات اللي (كنت في علاقه، كنت احبه، تعرفت ع واحد، تخطيت واحد ، كلمت ربيعه) يتكلمون فيه عن كل شي ، كل شي الا حدود ربنا وشرعه ، مساله ان تخلون الغلط شي عادي وطبيعي شي خطييير ابعاده جدا سيئه، والردود كلها الله بيرزقج بداله يعوضج باللي افضل منه!! شو نوع التعويض تطلع من حرام وترد لحرام مختلف؟! لازم تكتبين اللي تسوينه غلط، العلاقات المحرمه غلط، تعدي حدود الدين غلط، تسلمين نفسج لريال غلط، كفايه تخلون الشي طبيعي لانه مش طبيعي ، ما تتكلم ابد عن الحلال والحرام بس الطفل الداخلي وطاقة الجذب والكارما والتوكسيك وخارطه حياتج وكيف تتخطين العلاقات ما تتخيلون مدى ضرر هالحسابات اللي تبين ان كل شي عادي، و يحسسون البنت ان مش بس هي اللي تغلط وايدين غيرها وهالشي يعطيها اريحيه وان عادي، وتتستانس لما تشوف تعليقات البنات ان بتتخطينه وبتتعرفين على اللي يعوضج!! او تكتب بنت الله عوضني بعلاقه مرتاحه فيها لا ياماما هذا الشيطان اللي عوضج مش ربنا خافوا الله في محتواكم ، محاسبين عليه يوم القيامه stop normalizing being in relationship with a MAN

اي والله هالفتره مختفيه شوي من تويتر🤣🤣🤣 من زمان ما كتبت اي كف توعوي

#كف_توعوي 👊🏻 على فكره نفس الناس اللي حرمت نفسك وعيالك واهلك من اشياء كثيره عشانهم ، هم نفسهم عايشين حياتهم على الاخر مع عيالهم واهلهم تحت بند (الزمن تغير) الفرق هم ما اهتموا بكلام الناس والمجتمع وحرامهم اصبح حلال، وانت عشت عمرك تحسب حساب لكلامهم والحلال اقنعوك انه حرام .. طالما ما تجاوزت حدود الدين والحرام عيش حياتك على طريقتك ، العمر ما يرجع واللحظات ما تتكرر..

أكيد كل حد له ظروفه دوام .. ماعندهم مواصلات .. عيال صغار ... الخ اللي قصدته أي أم تقدر وتستطيع الآباء المتقاعدين والله انها لحظات ما تتعوض خصه حرطمة الظهر وأتريا تعليقج والله ب كف توعوي

#كف_توعوي 👊🏻 "ولكن ليطمئن قلبي" اسال وابحث وتقصى ،، كي يطمئن قلبك وتهدء روحك،، ويصمت ذلك الضجيج في عقلك،،

هي خطره فعلا لكن الواضح انه تمثيل توعوي من شفته عفط يده على صدره وزم شفته على جنب هي نفس تذكرت حركة جسوم يوم طلق مرته وعطوه كف راشدي وجته جلطه😂

هالتغريدة صدق #كف_توعوي

لما الرسوم المتحركه #سبيستون كانوا يوجهون الكلام لنا الكبار مش للأطفال !! #حبيت_أقول 💬 ونستعير هاشتاج أم ذياب #كف_توعوي 👇

#كف_توعوي 👊🏻 لو لم ينسى موسى الحوت لما ارتد قصصا ولم يلتقى سيدنا الخضر ولم تصلنا قصصهم اللي مازلنا بعد مرور١٤٠٠ سنه نتدارسها ونعتبر منها .. اقدار الله تمضي و تسير بحكمة لا ندركها في لحظتها لكن مع الوقت يبين لنا الخير في كل شي توقعناه خطأ او نسيان..

#كف_توعوي 👊🏻 حتى الحب والقبول رزق ونعمه ، يجب استيداعها الرحمن وشكر ربنا عليها كي لا تزول وتتبدل وتتحول.. احبكن كلجن فانزاتي 😌👌🏻 قلوب من بيتنا لين بيوتكم 💕