الكل يعاني، مافي مبيعات، مافي زوار للموقع، مافي تميز بين المنافسين ومو عارفين إنو أكبر سبب هو التصميم 🎨🔧 إحنا هنا عشان نحل لك هذي المشاكل! مع خدماتنا: وخدمات التصميم اللي نقدمها. هيا أغلب خدمات التصميم بنقدمها. مثل: - تصميم الشعارات والهويات البصرية - تصميم البوستات والبنرات الإعلانية - تصميم صور عرض احترافية لمنتجات المتاجر والصور بشكل عام - تصميم البروفايلات - تصميم فيديوهات الموشن جرافيك والمونتاج - تصميم الانفوجرافيك والعديد من خدمات التصميم الأخرى ولطلب التصميم لأعمالكم القيمة، تواصل معنا خاص او واتساب 👇 wa.me/966501237806

العميل ما يسمع كلامك يسمع عينك والعين ما ترضى إلا بالتصميم الصح لذالك خل تصميم مشروعك صح ✅️

التصميم مو يعرفك للناس ... أحياناً يفضحك ومو كل تصميم يرفع البراند بل بعض التصاميم تفضحه لأن فيه مشاريع جودة منتجاتها قوية لكن تصميمهم يبين انهم عشوائيين قبل ما يعرضون فكرتهم ويكشف إن ما فيه تنظيم، ما فيه نية، ما فيه وعي فالتصميم ما يجمّل بل يكشف وش داخلك بطريقة غير مباشرة ولو هويتك غير مرتبة فالناس تحس قبل ما تقرأ ولو رسالتك مبعثرة فالعين تعرف بدون ما تقول حرف لأن العميل يقدر يلمح الصدق، الجدية، الاحتراف ويقدر يلمح الفوضى، قبل لا يجرب المنتج فالتصميم ما يعرفك بل أحياناً يفضح حقيقة مشروعك لذالك خليك مميز من أولها 👌✅️

الناس ما تكره منتجك الناس تكره كيف شافوه لأول مرّة يعني ترا كثير مشاريع تظن المشكلة في الجودة أو السعر بس الحقيقة؟ أول ظهور لك هو اللي يقرر مصيرك من أول ثانية فتصميمك، عرضك، صورتك، أسلوبك هذي الأشياء هي اللي تبني شعور أبغاه أو شعور لا مو لي فالناس نادرًا تكره المنتج نفسه بل هي تكره الانطباع الأول اللي وصلهم بغلط: ألوان ما تطمن، هوية عشوائية، أسلوب باهت، وصورة ما قالت القصة صح والتصميم هو اللي يحمس أو يطفش والتجربة البصرية هي اللي تفتح الباب أو تقفله قبل ما تسمح للعميل يدخل فأيش رايك؟ هل فعلاً أغلب المشاريع تخسر بسبب الشكل مو بسبب المنتج؟

صبحكم الله بالخير 🫡🥰

سؤال: ليه أحيان بعض عملاء يجونك ويطلبون منك تصميم مستعجل وتكفى ضروري خلصني خلال 24 ساعة أو أقل ومدري إيش وفي النهاية لا هوه مستعجل ولا حاجة كييييف يا أسامة موه مستعجل وانت ويش عرفك؟ عرفت يوم انه استقبل له الطلب ونخلص له الشغل بي أسرع وقت ممكن ونسلمه الشغل في الوقت المحدد. وبعدها يرجع يبلشك كم تعديل اليين اليوم الثاني. لا وأحيان يرجع يرد بعد يوم او يومين ويطلب تعديلات كمان 🥲😅 طيب دامك موه مستعجل لييييييييه ياخي تسوي فينا كذا وتخلينا نقلب الدنيا تحت عشان نخلصك بسرعة وفي النهاية منت مستعجل ولا شيء 🤦‍♂️ وطبعا البعض وليس الكل

الناس تتكلم عن جمال التصميم وكأن الجمال صار كفاية عشان تبيع بس الجمال اليوم متاح بالذكاء الاصطناعي وبضغطة زر تصير فنان بس اللي باقي نادر؟ هوا الفكر خلف الجمال فالقدرة إنك تخلي التصميم يخدم غاية والفرق بين مصمم ومجرّب أداة هو إن الأول يصنع معنى والثاني يصنع شكل والتصميم بدون فكر يشبه العطر بدون رائحة تلمحه لحظة وتنساه للأبد 👎

لا تنسون الوتر ولو بركعه واحده🤍💙

لا تفوّتون الوتر… ولو بركعة واحدة 🤍💙🙏

مو كل مصمم يقدر يرفع دخلك بس المصمم الصح يقدر يغير مصير مشروعك لأن التصميم مو شكل عشان تزين فيه إعلانك بل هو أداة ترفع إحساس القيمة عند عميلك فالهوية الصح تخلي منتجك يبان أغلى بدون ما تغيّر السعر وتخلي العميل يشتري بثقة حتى لو المنافس أرخص والفرق بين مشروع يكسب، ومشروع يتعب، غالبًا يبدأ من أول نظرة والتصميم الاحترافي مو رفاهية بل هو سلاح تسويقي صامت ومن خلاله يتم: بني ثقة، ويزرع ولاء، ويرفع المبيعات بدون ما تصرخ بحملاتك فببساطة المصمم الصح ما يجمّل مشروعك بل هو يعيد تعريف قيمته في السوق

من أعمالنا في التصاميم الإعلانية 💙

انت كصاحب براند ترا الجمهور ما يكرهك ولكن هو بس ما انتبه لك يعني فيه براندات تقدم جودة عالية بس محد يشتري منها والسبب؟ مو التسعيرة، ولا المنافسة، ولا السوق السبب بسيط جدًا: الشكل ما قال شوفني لأن الناس ما تفتح منتجك بدافع الفضول تفتحه بدافع الإغراء البصري فتصميمك هو أول إعلان مجاني عنك وذا شكلك باهت فصوتك ماراح ينسمع والناس ما تتجاهلك عن قصد هي بس ما لاحظتك أصلًا لذالك خليك واضح ومميز بصرياً من أولها 👌✅️

التصميم مو جمال التصميم سُلطة واللي يشوف التصميم مجرد شكل فهو فعليًا ما جرب كيف التصميم يغير سلوك الناس لان التصميم يخليك تشتري شي ما تحتاجه وتوثق في براند ما تعرفه وتحب منتج ما جربته فالتصميم هو أقوى سلاح غير معلن في التجارة وهو اللي يخلق القيمة من لاشيء ويحوّل فكرة صغيرة إلى كيان يُحترم فالجمال يجذب، بس القوة البصرية هي اللي تبيع 💰 لذالك خليك مميز من أولها 👌 ✅️

📌توضييييييييييييييييح مهم جداً اول شيء أشكر هذا الشخص على كلامه الطيب وتشجيعه وباعتذر لو بطوّل الكلام في التغريدة بس أحب أوضح الفكرة بشكل كامل 🙏🤍 أول شيء موضوع الشحاذة والكلام اللي ينقال أحيانًا للي ينشرون تغريدات ويطلبون فيها شروط معينة للحصول على حاجة معينة: اولا أنا ولله الحمد مو محتاج لهذي الأمور لا من قريب ولا من بعيد وربي الحمدلله مغنيني من فضله لكن الهدف من إضافة هذي الخطوات البسيطة في بعض التغريدات واضح جدًا: نشر المحتوى لأكبر عدد ممكن مو أكثر لأن بصراحة لو نزلت أي تغريدة بدون شروط ولا طلبات؟ بتنظلم وما راح توصل ولا توصل حتى لنسبة بسيطة من الناس اللي المفروض تستفيد منها وشوف الشركات الكبيرة والحسابات الضخمة يسوون مسابقات وسحوبات على 1000 ريال و2000 ريال ولا تدخل السحب إلا إذا سويت 4–5 شروط! وفوق هذا كله؟ نسبة فوزك 1% طيب هذولا وش نسميهم؟ 🤔 بينما أنا؟ شفت أداة مفيدة على النت ومجانية وعجبتني وحبيت أنشرها للناس يستفيدون منها واللي يسوي الشروط السهلة اللي عندي؟ بياخذ الأداة أكيد وبنسبة فوز 100% وبيطلع مستفيد لذالك كان لازم أشرح الفكرة عشان ما أحد يفهمها غلط أو يقول شحاذة ومدري إيش وأنا أساسًا ولله الحمد بعيد كل البعد عن هالكلام وبالنهاية الهدف الأهم هو إفادة الناس وحتى لو أنا كـ أسامة بعد أبغى أستفيد أو أسوّق لنفسي في نفس الوقت فهذا حقي الطبيعي وما فيه أي شيء طالما أني أقدم قيمة حقيقية تساعد الناس وبس سلامتكم 🥰🫡

يسعد مساكم بكل خير ✨️ من آراء أحد العملاء لهذا اليوم 🥰💙

بعض البراندات ما تفشل لأن السوق صعب ولكن تفشل لأنها ما عرفت كيف تشوف نفسها من عيون الناس فتصميمها جميل، بس إحساسها ميت وألوانها حلوة، بس ما تشبه جمهورها ومحتواها نظيف، بس ما يوصل وهنا الهوية ترا ما هي لوقو ولون الهوية شخصية تتنفس يعني إذا ما خلت الناس تحس بوجودك فأنت فعلاً غايب والبراند ما يموت فجأة بل يموت لما يصير عادي

في نوعية عملاء عسل يعرفون قيمتك قبل حتى يتعاملون معك فهذولا العينات لا ترفع عليهم السعر زيادة وحاول تقدم لهم أقل شيء تقدر عليه مو لأنك رخيص. لا طبعا حاشا ولكن لأنهم يستاهلون وكسبهم على المدى الطويل أهم مليون مرة من كسب فلوس سريعة