وقال تعالى: (إِنَّمَا يُوَفَّى الصَّابِرُونَ أَجْرَهُمْ بِغَيْرِ حِسَابٍ) صبرٌ جميل والله المستعان 🤍

خايف يطول البعد وتسج مني وياخذ مكاني شخص ماهوب يسواك وش عاد اسوي يومك اقفيت عني لا انا اتبع المقفي ولا احب فرقاك

لاتعذر في ظروفك مايحتاج معذور جعل تفداك القطاعه ويفداك الوصل كل يوم ادخل حسابك واشوف اخر ظهور والله كني معيد ليا شفتك متصل

ياقلب علمني وش يبري خاطرك كن الجروح الكبيره ساكنه فيك علمني ليه ضايقٍ فيه شي جابرك كنك مدينه مظلمه ولا زاير يجيك في بعد ذيك الليالي شي كاسرك وش هو ومتى وكيف حادي يحاديك نور انجلى واختفى ولا شي حاضرك كن الزمان انعطب واصله يعاديك علمني ياشيخ البشر ويش قاصرك ياغايب البعد طول وين الاقيك خلصنا وتعبنا وخايف اصير خاسرك ودي ادعي واردد اقول الله يجازيك الله يسامحك وفداك ولاني معازرك مير اقرب وعود علي الله يخليك

ياغريبه كانت ايامي قبل حبك غريبه صارت ايامي بعد حبيتك الاكثر غرابه

انظم قصيدي يارمضان يالكريم المنعد بليلٍ من ظلامه ماتشوف الجمر هو يرمد واعدلك الاشواق الي بقلبي تبرق وترعد واعدلك المشاعر وهي تتزايد ماتنضد اشتقتلك وشهر رمضان جاء وانت مبعد عسى الله يجيبك لي ياخير شهور ماتنعد مبارك عليك الشهر وانت تسلم وتسعد عسى منزله خير وعسى دعانا لربي يصعد

ما للقلب دربٍ يم احبابه يوديه الا الذكريات وانت اغلى ذكرياتي والعمر بدون عيونك انا مابيه كيف بسلى واكمل رحلة حياتي انت الي كلامه لجرحي يداويه وانت الفرح وابيك بكل سنواتي يالله يعالم السر والغيب تعطيه تعطيه من عمري لو اصل مماتي

لانادى مناديٍ باسمه لديت صوبه مهلي هذا هوا قلبي وقسمه وهذا اسمٍ يشبه لخلي على قلبي مخططٍ رسمه وطيوفه ساكنةٍ وسط عقلي اسمه له بوجهي زرعة البسمه وله الحق في سما قلبي يعلي له بجوف صدري الجسمه وهو سلوة الروح ماغيره يسلي

مكتفي فيك حتى في غيبتك ماسمحت لغيرك يملي مكانك

القلب توجعه فرقا المحبين والعقل يوجعه حلو الذكريات شلون بسلى وبعيش باقي السنين ونفسي ضايعه وتعيش بشتات يا ماخذه قلبي وشعور الحنين اصرفي لي شعور يرد لي كل مافات من بعد فرقـاك وانا الشاعر الحزين سكنتي ضلوعي واليوم صارت رفات اسألك بالله ما حزتك دموع الرزين ولا فقدتي حبنا واجمل الذكريات لا مر طيفك قلت يا ليتك تجين وترجع سنيني بعد ما صارت شتات ترا غيابك علمني شلون الانين وترا قلبي ماعرف بعدك طعم الحياة

بعوف المجتمع وبعيش اضطهادي وبترك كل البشر وابعيش بالوحده وافارق الناس كلهم وقلت عادي الا انت فراقك مادانيه لعنبو جده من ليلة فراقك وانا ضايع وغادي وعيوني تقول انها للسهر منحده ابكيتني اربع ليالي حسب اعتقادي وحمد ماخبرنا دموعه تسيل على خده والصدر بغيابك كنه سجن انفرادي معاده صدرٍ رحيب وايامه منعده وجفوني صارت تشكي من قل رقادي والعقل مسجون لحظة فراقك والصده افترقنا والصدر ضايق وسبب ابتعادي وان غبت عن الدنيا روحي لها متفده ولو كان للروح درب فاني لها انقيادي ولو عادت الدنيا بعيدها من اقدم مده احبك سمعتها بصوتك وانت تنادي وقلتها باذنك يوم ضميتني بشده

لو ان الوفاء لبس لبسته كل خوان ولو الاسرار مكشوفه مانكسر ادمي ليت قلبي امتلا بشعور غير الاحزان وليتني اتكلم ماني متغاضي ومتعامي تمنيت اخباره تجي بالاخبار عنوان كان ما اتعبت فكري وعشت باوهامي ياصاحبي الدنيا بدونك تصبح بلا الوان وبقربك الحياة تصير مشروعٍ سامي لاتوجع القلب ترا غدت همومه اطنان ولاتوجع العقل تخبر افكاره طعمها دامي انكان فقدك درس علمني معنى الحرمان فانا تخرجت بشهادة وجع له علامة ومقامي

من الفرقا احس اني بديت ارجع على الجمهور وانا مبطي من الشعر الحزين اللي يعنيني اذا مر اسمي وقالو قبلها الشاعر المشهور تراك الراعي الرسمي لشعري يا معنيني

تعبت اجامل البشر والعالم الثاني وانت ماتتعب الروح معك بمجامل في لغات العالم كل ادمي بيعاني الا لغه وحده تظهر من غير عامل رتبت لك كل القوافي لاجل المعاني وانا عايفٍ بعدك بس عشانك صامل مير اني احبك وعشان قربك انعاني ياجمل معاناة واحساس وحب متكامل

احبك وحبك مايشرحه كم بيت حبك يقولون الناس صعب وهيهات وانا اقول بشعوري والله ماتخليت عساني احبك ويقولون حبك ومات❣️

تجتاحني الضيقه من كل اتجاهي وضايقٍ صدري والعبرات جايه وماعندي احد اشكيله غيرك يا الاهي انت الي تقول الراحه كلها بأيه كثرت همومي ومسبه وساهي والمنجاة من غيرك ماتعتبر غايه وانا غير الحمدلله مانطقت به شفاهي واعبدالله واصلي بس بالعالم تايه فقدت كل العطايا وفقدتها هي ولا كان بيدي حل ولا بيدي سوايه كم من العمر جاء وكم منه لاهي وتخلص المصايب وكل وحده ورايه تعودت وصار مثلها مثل شرب الشاهي ولا فيه ادمي يعيش العمر كله برأيه ودي الكون يتحرك والشمس بغير اتجاهي وتقوم القيامه وكلن حسابه وجايه

الخوف في بعض الاحيان شجاعه والحذر للمسلم هو خير الوسايل كنت اخاف الحب عشان الخداعه لين امسيت بحب بنت الحمايل كنت اقول لقلبي من الحب مناعه لين صارت الاشواق بعقلي تخايل وصرت اجوع الها كني بوسط مجاعه يافاتنه بقولك اشتقت ولا ماني قايل احبك بس حد الكرامه مالي استطاعه والفراق طال والواضح عذابك طايل والله اني متشفق وان كلي لك طماعه وماتحسفت بجرح فقدك ودمعي السايل خابر انك عوض قلبي وحبك هو اجمل قناعه مير الحب يوجع لاصار بليا وسايل ماودك تزوريني واشوفك لو ربع ساعه تراني اشتاق واحن لك ودموعي تصايل

والله التعب واصلٍ حده ومحدٍ مصبرني غيرك عليه خابر انه يضايقني بعده وخابرٍ قلبي نار فراقه تصاليه وصدقني لويبيك محدٍ يرده هو خابر الدرب اوله وتاليه ياقلبي ابطى عليك وزادت المده وانت تنتظر وصله لارحم غاليه استغفر الله من كلمةٍ ضده والله اني اعشقه بكل مافيه ودي بوصله واخاف من صده بس القهر واصلٍ اعلى مساعيه قلبي لوصله وفراقه ترا قده مارده يجمعنا القدر واساليه وعيوني ترا ماتشتهي نده والقلب مايعشق غير غاليه قولو طيوفي تبي تجيبه وتحده وانا بنتظر لين عيوني تداريه

الا ياحمد ياونتي ونة المحتاج معاشه قليل والهوامير غشاشه يشوف الغني بنعمة الله مريح وساج وهو لوتمنى الموز مايلوح قراشه على ابوجعودٍ مثل ليل الخريف الداج والاوجان تشعى كنها قيض مغباشه انا من جماله يوم اشوفه يجيني احراج عسى الله يجملني بغتره ودشداشه

ولاكن اسمع كلامي كان تغليني لانشدوك العرب لاتقول خلاني قل راح يقضي لزوم له وياتيني يسوقه الشوق ولا فضل عدواني لاتفرح عداك فيك ولا عدويني حتى لو انك تمر وما تحفاني والي لك اني ماابدل فيك ثانيني ولا يجي في مكانك واحدٍ ثاني