من. لايعَزّك في حياتك وينْفَعَكْ الموت ماعقبه رفيق وصداقه لاصار ماهو عند لازمك يسمعك خله يروح وخير مالك فراقه وعليك باللي للجزيلات يرفعك الصاحب اللي للمفيد أشتياقه اللي عن المكروه والشر يمنعك وفي عشرته دايم وثيق العلاقه ✍️ #سعود_عايد_العلوي_الحربي

أرسم البسمه على الوجه الحزين وأعتبرها شي من جبر الخواطر الكلام الزين لك كنزٍ. ثمين وكم تسلي فيه من مكسور خاطر وخلك اللي دوم للعاجز مُ عين يبعدك مولاك عن درب المخاطر والحذر تضحك بشخصٍ تستهين ولا تمادى بالخطا وتقول شاطر #سعود_عايد_العلوي_الحربي

بيض الله وجه من عاتب ضميره لا بدا منه الخطا صحح مساره يدري ان الوقت والدنيا قصيره ماتدوم ال شخص لو زاد اعتباره والسعيد اللي يناظر وش مصيره قبل ماتقفي ركابه عن دياره ياخذ العبره من اللي راح غيره والصحيح الدين ماغيره تجاره #سعود_عايد_العلوي_الحربي

لاصار مانت بصاحبي ساعة الضيق وقت الرخى مالي بالأصحاب حاجه أفرح واهلي بالوجيه المطاليق واجنب اللي غاب وقت المواجه ياعل للطيب حضوض وتوافيق سمح الجناب اللي طليقٍ حجاجه الصاحب اللي مايخون المواثيق ماهو من اللي عشرته لجل حاجه #سعود_عايد_العلوي_الحربي

ياحاسد الناس خل الناس واتركها مالك وراها مصالح يوم تشْغلها أماّ تجمّل بكلمة خير شاركها ولاّ تجنّبْ ولا تبحث مشاكلها من عز نفسه عن الزلات يملكها ولا فيه داعي لكلمة شر تنقلها اعز لحظه من اللحظات وابركها كلمه بها خير تنفع شخص تفعلها #سعود_عايد_العلوي_الحربي

مادري علام الناس ماتترك الناس تدخلوا حتى بخاف النوايا . هذا يقول افلان ماعنده أحساس وهذا يقول فلان راعي خطايا . كلام فاضي مايثبّتْ على ساس ماغير هرجٍ فيه كذب وحكايا . واقول بعض الهرج مافيه نوماس مايقبله رجلٍ كريم السجايا . . #سعود_عايد_العلوي_الحربي .

أحدن كلامه يعطي النفس راحه وأحدن كلامه يجلب الهم والضيق الاول اللي فيه صدق وصراحه والثاني الكاذب قليل التوافيق مكارم الأخلاق فيها السّماحه والخير يلقى في وجيه المطاليق نضيق بالدنيا وفيها مساحه والله كريم ورازقٍ للمخاليق #سعود_عايد_العلوي_الحربي

كل شيٍ. صعب بأمر الله يهون والحياه دروس والدنيا عبر وما كتب لك بالقلم لازم يكون أستعن بالله وأعمل. بالصبر والله أعلم بالخفايا والسكون وأنت مهما عشت ترجع للقبر لو بكوك الناس في دمع العيون مالك الاّ ماعملته وأعتبر #سعود_عايد_العلوي_الحربي

ياكثر مانجهل ونغفل ونخطي ونطلب ولي العرش يغفر خطانا هو الذي يعفوا ويصفح و يعطي وفي رحمته دايم كثيرن رجانا ياما ستر في رحمته ذنب مخطي وياما من الصحه وخيرن عطانا وياللي تحب الخير حذراك تبطي سارع على التوبه وحذرى توانا #سعود_عايد_العلوي_الحربي

حاول تغرد في عباره مفيده يفرح بها السامع وينقل خبرها نبغا بها فكره ونقله جديده من شافها عبر التواصل نشرها أكتب عن السنه وفضل العقيده وذكر الرجال اللي بعيدٍ نظرها ومدح المكارم والصفات الحميده وترك الأمور اللي كثيرٍ ضررها #سعود_عايد_العلوي_الحربي

مايرزق الخلق كود الله سبحانه اللي جميع البشر بالخير شاملها خزاينه دوم بالأرزاق مليانه ناسٍ خلقها ولاهو يوم مهملها يعفوا ويصفح وكلٍ عاش بحسانه وكلٍ يجازى بكلمة خير يعْملها الواحد اللي على الأكوان سلطانه وارزاق خلقه مع الايام كافلها #سعود_عايد_العلوي_الحربي

البيوت اللي لها معنى وقيمه شرّفت من هو على الصفحه كتبها دامها عن كل. مايجرح سليمه لا تأخر. في ،،،،،كتابتها. وجبها البيوت الهادفه والمستقيمه تكْسَبْ أعجاب المتابع في أدبها أعتبرها بالتواصل لك غنيمه وفي مجال الخير. عبّرْ وأحتسبها #سعود_عايد_العلوي_الحربي