🔵 شروط النشر : 1🔴 يكون الموضوع واضح ومباشر. 2🔴 الإبتعاد عن الدراما والتأليف. 3🔴 الإبتعاد عن قضايا السياسة والعنصرية. 4🔴 متابعة الحساب. 5🔴 التأكد من تعديل الأخطاء الإملائية قبل الإرسال. 🟠 نعتذر عن الحذف بعد النشر. 📩 الفضفضه يتم إرسالها لنا عبر صندوق الرسائل الخاصة.

#فضفضه القاضي رد الدعوى لقضية عمالية لي وأقسم بالله الشركة قدمت مساءلة غياب مزورة وواضح فية تزوير كيف آخذ مستحقاتي وطريقة الاعتراض على الحكم ؟

#فضفضه عائلتي تعرضت للسحر من طليقه اخوي من بلاد عربية ولقينا اسحارها وهي تجدده لنا .. الكلام هذا انا متاكده منه ١٠٠٪؜ .. اللي يسال حتي سجلنا صوتها وهي تتكلم عن السحر .. دمرتنا على مدى ٢٠ سنه ، كيف نتصرف بهذه الحاله واطلبكم تدعو لنا ان ربي ينصرنا لعل منكم من مستجابه دعوته

#فضفضه انا محتاره فيه واحد يشتغل معاي بنفس دوامي وقال انه بيخطبني قريب وانا بصراحه شايفه الرجال مره كويس وحتى سمعته في المكان كويسه والكل يمدحه بس مدري احس متردده مع اني استخرت بس ماحسيت بشي مرات احس براحه ومرات ولاشي بس مبدئياً احس مرتاحه له .. مع العلم وضعه المادي مو مره وموظف خاص بس انا انسانه ابحث عن الراحه النفسيه قبل الفلوس بصراحه

#فضفضه حصلت مشكله مع زوجي هو انسان مدخن وفي رمضان يصير هايج يدور اي شى عشان يتمشكل معاي انا اطنش واعدي سنوات وانا اعدي لين وصل اليوم دخل الساعه 2 وانا ااكل اطفالي عامله لهم شوية رز وسلطه صار يمشي يطالع بالارض يدور اي وسخ عشان يفلت لسانه اخر شى جاء وجلس يقولي ليه تاكليهم رز مع العلم ثاني يوم رمضان قال تصحيهم الساعه 1 الطهر تعملي كبسه لهم عشان ياكلو قلتله انت قلت اسوي رز قال لا وصار يتكلم بااسلوب مستفز قلتله ادخل الغرفه وفكني من شرك دخل يهرج يهرج قلتله انت لك 4 ايام تدور مشاكل معايا انا في غنى عن هالمشاكل رجع جاء يقولي ايش تقولي ويحط اصباعه يدقه براسي واقوله بعد يدك احسلك اخر شى قال انتي تصغريني قدام عيالي تطلعيني غلطان عيالي 5 سنوات و 4 وسنتين ! قال والله احط رجلي بحلقك وانتي تنقلعي بيت اهلك قلتله تخسى قال ايش قلت تخسى قام اخذ عيالي يوديهم لااهله اتصلت على ابويا وقلتله وكلمه وجاء اخوي وصار يتكلم على اخوي يقوله انت مو رجال وكبرت الهرجه انا نفسيتي زفت هل انا غلطت اني قلت لاابوي مع العلم امي متوفيه لها ثلاث شهور ونفسيتي زفتتتتت

#فضفضه تقدم لي طبيب شاب عمره تقريبا ٣٠ سنة ووضعه المادي ممتاز ولكن عنده اكتئاب بسيط ويستخدم دواء واحد من فتره متردده مشورتكم

#فضفضه انا اتعرض لمضايقات ونظرات على جزء من جسمي وحركات لا اخلاقيه بالوجهه من قبل الناس ماذا افعل تعبت من النرفزه ومن كثر النرفزه افكر كثير بالمضايقات

#فضفضه امر في حالات تعجب من زوجي غيرته غير موجودة أو مدري هو يتعمد يخفيها يعني من تزوجته مواقف قليلة جدًا تتضح فيها غيرته! يعني يوريني مقاطع فكاهيه تبان فيها جزء من عورات رجال مكشوفه! ومسابقات كمال الاجسام للرجال! يذكر لي فلان وصفاته ومحاسنه، يذكر لي اشخاص معروفه ويقول فلان وسيم وفلان فيه كذا وكذا يشرح جمالهم! وعادي عنده ارجع اخر الليل مع اوبر ولا يسأل ولا يستفسر رغم عنده خوف علي بس فيه فهاوات كثيرة ماتغيب على الرجال مايدري يعني وين رحت او جيت الاهم يعرف اني بطلع انا جايه من مجتمع غيور وحريص على المرأة واهله برضوا كذلك! وللتوضيح هو ياكل حبوب نفسية لاسباب خاصة بس جرعة كبيرة هل تأثر على مشاعرة ولا كيف يعني مرات احاول استفزه اشوف وضعه القاه مرات يضحك او يرد رد بايخ وحتى لو اعطى ردة فعل تكون بايخه لدرجة ما احسها مشاعر احسها طقطقه يحس كل شيء عادي وسهالات حتى مرات يعطرني قبل نطلع او مرات يقول افتشي اذا احنا بالسيارة ومرات لا! يقوول تغططي!! وعادي عنده لو مروا رجال او احد شافني ولايعلق ومررات تغطي تغطي !!

#فضفضه اخوي الصغير عمره 8 سنوات توفى له تقريبا 6 شهور و هذا اول رمضان من دونه و امي واضح عليها الحزن وش اقدر اساعدها لو على الأقل تتجاوز شيء بسيط، قريت انك إذا تتكلم معها عن المتوفى يخفف عنها ؟

#فضفضه انا اذا جيت أقرأ القرآن يجيني تثاؤب بشكل متكرر على عكس اذا كنت اصلي او استمع للقرآن ما يجيني التثاؤب

#فضفضه يارب القى حل لاني تعبت من الهم والضغط النفسي جدي اخذ الجنسية على ايام الملك فيصل وابوي كان بالقطاع الحكومي وتقاعد وانا درست وتخرجت وتوظفت ولله الحمد لكن نظره بعض الناس في المجتمع لي جداً سيئة انا ايش ذنبي اني انولدت وجيت ع الدنيا كذا لا انا اللي اخترت اكون انسان غير قبيلي او مجنس او اللي هو ولا اني ضريت الناس اللي حولي بشيء !! البعض يهمهم انت من وين ترجع وايش اصلك يعني مثلاً بدوامي يجوني عملاء كثير واخدمهم ويثنون على شغلي واخلاقي لكن يوم يسالوني انت شترجع واقولهم وجههم يقلب 🥲 ! صدق انا شذنبي اني كذا ماهي بيدي ي عالم انا ربي خلقني وجيت عالدنيا كذا وهذا الشي ربي كاتبه تدري ايش اللي شايل همه الحين ان جايني مولود ومابغاه يعيش نفس اللي عشته مابغى احد يتنمر ويطقطق عليه بسبب لقبه والله ياناس الموضوع جداً يضايقني لدرجة اني صرت انحرج اقول اسمي الكامل قدام الناس ولو بيدي غيرته والله العظيم ليش النظره كذا ليش همهم انت ايش ترجع وايش نسبك

#فضفضه والله تعبت لي سنه ادور بنت الحلال لا اهلي ولا احد لقى بنت كويسه لهذه الدرجه فيه صعوبه في اختيار البنت في هذا الزمن ؟ اتمنى مساعدتكم

#فضفضه انا احس بشعور غريب كنت محافظة ع الصلاة والسنن اصليهاواقوم الليل واقرا قران من فترة حملي الى ماولدي الحين عمره ست شهور صارت الصلاة ثقيله علي مع اني احاول ماتكون ثقيلة وانا في الصلاة اكون سرحانه لدرجه ماادري كم صليت ولا وش قريت واعيد واول مايذن اروح اصلي عشان مااتكاسل اكثر او انساها وربي اني اجاهد انا من ناس ملتزمين بس ماادري وش جاني حتى اول كنت احب الترتيب والتنظيف واحس الان لا عادي الغرفة تقعد ثلاث اربع ايام حوسة وربي اتعجب رغم اني استغفر واحوقل عشان ربي يساعدني وارجع مثل قبل في احد مر مثل حالتي وكيف اتعالج

#فضفضه راتبي 20.000 وعندي قرض شخصي 2998 واستثمار في احدى البرامج 1000 ومعي كاش 200 الف ( مخليه لزواجي بعد كم شهر) تم الانتهاء من المهر والملكه والتلبيسه واجهزة المنزل وخاطري اخذ ارض وابنيها بناء شخصي هل الافضل اخذ قرض شخصي ثاني على ان المبلغ بيكون قليل تقريباً مايتجاوز 150 الف او ادمج القرض الاول والقرض الجديد بحيث يمكن اخذ 300 الف ويصير السداد موحد بقسط يقارب ال5000 علماً اني ابحث عن شقة ايجار بعد على شان موضوع الزواج فابتصير التزام جديد علي اذا فيه اقتراح افضل ياليت احد يساعدني لاني ضايع طبعاً مو في مدينة الرياض

#فضفضه انا بنت كنت ارفض الزواج وفكرته عندي اسباب افضل عدم ذكرها، لكن لما قلت خلاص بتزوج اكتشفت انه عندي اختين يحرضون امي ويوقفون نصيبي واذا جاء احد يخلون امي تقول اني صغيره او ارفض الزواج وسمعت كلامهم ب اذني انهم يقولون احسن ليش توها تبي الزواج مو كانت ما تبيه؟ خلوها كذا لين يجيها شايب او معدد يعني هدفهم يتشمتون فيني بس وكلمت ابوي لما كلمته هاوشني وتفل علي طلعوا حتى هو محرضينه ما اقول الا حسبي الله ونعم الوكيل مايعلموني اذا جو خطاب انا اسمعهم صدفه بهذا الحال وش اسوي؟ ادعوا لي تكفون وترا عمري اكبر من ٢٤ عشان ما تقولون انهم صادقين واني صغيره ويشهد علي الله انهم ما شافوا مني اذى او شيء بس هم خواتي ما يحبون يشوفون احد مبسوط، هل فيه حل؟ ادعوا لي

#فضفضه مملكة لي ٤ شهور واول شهرين كانت افضل شيء عرفت شخصية زوجي وحبيته وصدق محترم وابن حلال وحتى اهلي يمدحونه ويحبونه لكن الفتره الاخيره انشغل عني وصار وين وين يسال ويقول دايم انه مشغول وعنده شغل وانه حتى اهله مايشوفهم من كثر انشغاله بس الصدق اني زعلانه انا امشي الوضع معاه بس كذا ولا انا شايله بقلبي وزعلانه عليه وش الحل احسه يفكر ب وحده او يكلمها لان مستحيل مافيه فضول تجاهي يعني هو يتكلم معي لكن مو بشكل دايم مثل اول مهما كانت انشغالات الشخص لابد يلاقيه له لو ثواني يرسل رساله حسيت كانه خلاص عرف وضمن شخصيتي وبعدها راح طمنوني في احد كذا ؟

#فضفضه زوجي عمره ٢٠ سنه وهو مدمن للحشيش يلبي طلبات البيت من كل شيء لكنه ينام كثيرا وليس لديه رغبه جنسيه وكل همه النوم والحشيش فقط ولاحظت عليه مؤخرا ان لديه صديق مصاحبه كثيرا ويخرج معه ويكون سعيد معه وبينهم هدايا هل الحشيش يجعل الرجل خني … ماذا تنصحوني ان افعل

#فضفضه عندي مشكلة تعبتني جدا تعبت نفسيا وكل شي أنا شاب عمري ٣٢ عاطل ونفسي أتزوج لأني أعاني كثير من الشهوة ومدمن العادة السرية احتاج نصايحكم وعندي علاقات مع بنات اغلبها جنسية ودي ابطل هذه العادات السيئة كيف أبطلها والله اني حاولت ماني قادر مقدر أسيطر على نفسي إذا جتني شهوة تكفون ساعدوني وانا شاب ملتزم نوعا ما صلواتي كلها بالمسجد وفي الصف الأول وإذا فاتتني صلاة يأنبني ضميري وازعل كثير ، مشكلتي العادة السرية تكفون ساعدوني بعد ما اسويها يجيني شعور الضيقة والندم رغم اني اتوب بس ارجع ثاني ابي أبطلها نهائيي كيف ممكن اقدر أبطلها وادعولي بالوظيفة والزوجة الصالحة واكتبو تجاربكم مع العادة السرية وكيف تركتوها واكتبو نصايحكم بدون تجريح ربي يسعدكم

#فضفضه عمري ٤٢ لم يسبق لي الزواج اول عمري انخطب ولليوم بس بهذا العمر بالذات اكتشفت اني ارفض الزواج لسبب داخلي فين ي ما اعرف اتعامل مع اي رجل خجوله /لو احد ناظر لي نظرة عصبت وهاجمته لو تقدم لي شخص ترجع لي مخاوفي وترددي /انسحابيه/تجنبيه لأي حوار كلام مع اي رجل بالواقع والمواقع /هل هذا حياء او تربية او عقدة نفسيه واذ انحطبت ارفض ولو كملت انسحب ..ولو لاحظت احد معجب فيني اصده بقوه واسكر اي باب /الراغبين للزواج مني انفر منهم واذا راحوا اشعر بالندم/اللي اعرفه ان علاقة امي وابوي ماكانت جيدة ابدا ولا صحيه /سامة وسببت لي كل مااشعر فيه اليوم كيف اتخطى واتجاوز وانا ابي اتزوج واكون اسره ساعدوني يا كرام

#فضفضه انا البنت الاصغر وكل اخواني متزوجين وخواتي وامي من مده تقريبا سنه ماتنام الا بعد الفجر وموضوع النوم صاير نفس المشكله عندها يعني ماتحب احد يقول انا بنام او انا نايم بدري واذا حاولنا فيها تعدل نومها تزعل وتتضايق المشكله ان كل يوم لما تنام ماتعدي ساعتين الا تجي تسالني كم ساعه نمت وتقعد تفكر وتتضايق ولو عدا يوم مانامت كويس تقعد متضايقه طول اليوم وماتبيني انام قبلها تبيني انام بعدها يعني الساعه ١٠ او ٩ الصباح وفعلا هذا وضعي من سنه وانا باقي على زواجي كم شهر وهالفتره مره شايله همها لان ماترضى اني ماكون موجوده عندها ولازم اكون قايمه اذا جت تنام ف هل فيه احد امه مرت بهالحاله ولقو لها حل ؟ قلبي يوجعني على وضع امي ابيها تكون مرتاحه وتنام بدون ماتشيل هم وبدون ماتحسب كم ساعه نامت

#فضفضه عمري ٥٨ وزوجتي الثانيه انتصفت الاربعين امورنا حلوه وانسجام وليلة رمضان اختلفنا ع اني ماجبتلها كيس لحم للشوربه زي البيت الاول و من هنا كلمه ومن هنا كلمه الا تقولي اصلا انا عايشه معك ع الهامش فكلشي وانغبنت من الجحود حقها فقلت لها من اليوم ورايح راح اعيد ترتيباتي وقلبت الدنيا تقول تهددني عاطفيا عشان شوية عطايا وزعلانه علما انها قايمه فيني من الالف للياء بس انا حاقد عشان كلمة كل شي جحدتني فثواني انا حساس ولا ادري كيف اعالج مشكلتي.