#تساؤلات | #رمضان_كريم

#تساؤلات | السلام عليكم ورحمه الله وبركاته عندي اختي قبل ١٠ سنوات كانت مو منضبطه تكلم شباب وصور والان اختي مستقيمه وللعلم محد يدري عنها الا انا والان عمرها ٣٨ سنه لكن اخاف من هالاشخاص يبتزونها او ينشرون شي عنها واختي تابت هل ابلغ الاهل بهالسالفه او لا بدون يوزر

#تساؤلات | انا حامل بالثاني وطفلتي صغيرة سنة و٩ اشهر زوجي صار عنده اشتباه ورم وانا معاه بالعسر قبل اليسر لأنه كان اول زواجنا كرييييممم وحنون ومخلص وطيب صح الخلفة غيرت منحنى العلاقة شوي ماتفهم مرحلة النفاس واخر الحمل ونفسيتي وقتها لكننا على طول نرجع مايطول الزعل نتحاور ونهدا وحالنا حال اي بيت… الفترة الاخيرة زوجي صار واضح عنده الضعف ومن الاسباب كورسين او ثلاث كورتيزون باقل من ٦ اشهر واحس هالشي اثر على الرغبة والانتصاب صار يهجر ١٠ ايام كذا بس يلجأ للعادة السرية وصارحته كم مرة ووضح ان الكورتيزون يأثر وبعدها يرجع طبيعي، القهر انه ادمن العادة حتى علاقتنا صارت عادة سرية مره نام برا الغرفه وصحى قال بتروش واصلي صلواتي عشان سوا هالشي يعني صريح صار! وانا المشكله ما شبعني صرت زيه افرغ بطريقة غلط وحرام ويأنبني ضميري💔 واظل والقهر مع هرموناتي والحمل صار يحاول يهز من ثقتي شعرك عيونك لبسك وهكذا وهو يعرف اني بحمل وفترة وهن وغير كذا يتهررررررب من البيت لدرجة يداوم ل٩ الليل ويوميا طلعات ويسهر وانا بغربة وبنتي متعبة وانا من حملت حسيت بوحم عليه وكثرت مشاكلنا مرة مرة لدرجة صار يطردني لمي عفشك البيت بيتي والبنت بنتي وصار ينقص اللي اشتهيه باغراض البيت ويسهر وع طول برا واقول له بصفو جو بحديقه اترك الجوال يفصصصل علي وانتي تستشرفين لانك مو ع الجوال وانا اقولها لان محد عندي الا هو يمر شهرين ما اقابل احد بلعت لساني لي شهر صمت عقابي وناويه اجلس عند اهلي ارتاح لين رمضان (انا اجازه وعند اهلي) بصارحه بقوله علاقتنا صعبت منت قادر تفهم هرموناتي وصعوبة وحمي وحملي مرات ابكي لحالي هناك بالايام لحد ما احس بيصير شي لحملي وبنفس الوقت ارحمه لانه يسوي كذا مع مرضه ونفسيته شورو علي تصرفي والابتعاد هالفترة صح؟ ولا اوقف معاه بيبدا يراجع لاشتباه الورم

#تساؤلات | الله يعافيك اتمنى مشاركة مشكلتي عندي مبلغ مودع في مصر بما يقارب ٨ ملايين ريال سعودي ، وعندما اضطررت على سحبه من البنك وتحويله للسعوديه ، قالوا ما عندنا عمله صعبه سواء ريال ولا دولار ، تبي جنيه خذ قد م تبي ريال ولا دولار ما عندنا وفلوسي صارت عالقه بالبنك لها ثلاث سنين الان احد يعرف لي طريقه نحولها للسعوديه ، أتعبونا

#تساؤلات | جهازي الهضمي تعبان امساك وانتفاخات وغازات والام وبواسير تكفون ابي افضل دكتور جهاز هضمي بالرياض الله يرضى عليكممم نفسيتي تعبانه

#تساؤلات | السلام عليكم ياليت احد يفيدني انا ابغا تدريب بمدرسة هل ادور بالمدارس؟ ولازم اخذ موافقه من مكتب التعليم بجدة ! لان قهر تواصلت مع مدرسه وقالت خذي موافقه من المكتب وقالو لي مافيه فرص ونسيت اقولهم هذي المدرسه تحتاج 🥲💔

#تساؤلات | السلام عليكم قد خطبني واحد خطبة رسمية يصير قريب صديقة لي ورفضت قبل الشوفه والحين افكر فيه الوقت الي خطبني فيه ماكان مناسب لي والان مناسب هل عادي اتواصل مع صديقتي اقولها ولا مو حلوه ارجع اقول ( احتاج راي صادق مع الحل من دون تجريح )

#تساؤلات | زوجي دايم يقولي احبك وماشوف غيرك يبين لي انه وفي وانسان غاض بصره ، وفعلاً انا مو ناقصني شي ومو مقصره انيقه وحلوه ونظيفه ، كان بينا مشكله بسيطه انه زوجي عمله ضغط ف يبعد عن الفراش اسبوعين تقريبًا ف اسكت ومتفهمه ضغط ومشاكل العمل ، موضوعي هو ان زوجي ينتقد تصرفات الشباب الي سوالفهم كلها بنات ، ف انا اكتشفت ان زوجي يرسل لخوانه واصحابه مقاطع وحسابات بنات جميلات وشبه متعريات ، وانا اخذت موقف وزعلت عليه وعاتبته بعصبيه اني ماتوقعتك كذا وانت الي ماتناظر البنات و تنتقد الشباب طحت من عيني وانا اخليك تسافر سفرة عمل مع زملائك وواثقه فيك وصرت اشكك بسفراته كلها مغازل وبنات وقلت له الي زايغه عينه بشاشه التلفون وزوجته عنده هذا ما استبعد عنه حتى بسفراته لحاله يسوي الحرام ، هو اعتذر بنفس اللحظه يقول انا اسف وهذا خطاي، بس انا مارديت وعاملته بالصمت العقابي ، ادري بتقولون مكبره الموضوع ، عندي مشاكل اكبر من هذي لكن قهرني ليه انا صابره على تقصيره في بعض الامور وبالمقابل زوجي مشبع بصره ورغباته بجواله ، انصحوني كيف اعامله و كيف اتعامل مع هذي المشكله ؟

#تساؤلات | السلام عليكم ابي اسالكم انا زوجي من النوع اللي يحط عينه على فلوس المره وهذا اللي افهمه من كلامه داااايم المهم انا موظفه حاليا والشهر الجاي اول راتب ينزل لي وش اسوي عشان مايحس اني مابي اعطيه عشان مايكون اناني معي مع العلم ان راتبي مايتجاوز ٢٥٠٠ وهو راتبه اكثر مني بكثير يعني ماهو بحاجه بس ابي اسوي له شيء اعبر فيه عن فرحتي لاني عاطله سنوات والمبلغ هذا الصراحه بعيني ياكثره ابي شيء اعمله بدون مااجيب له هديه او اعطيه فلوس انا ابيه يصد عن فلوس لاني انحرم من اشياء كثير ماشتريهن اراعي ضروفه وابي اعوض نفسي واشتري كل شيء ينقصني وكمان انا امي منفصله وابي اعطيها مبلغ كل شهر تشتري فيه احتياجاتها

#تساؤلات | السلام عليكم انا متزوجه من ٤ سنوات كان واعدني ببيت مستقل وسكنني بغرفه عند اهله وصبرت عليه لين شفت منه خيانه ورسايل وصور صورتها من جواله وطلعت من بيته بس ماواجهته بالخيانه ولا جاء راضاني او حاول يبرر وطلبت منه الطلاق واخر رساله منه قبل سنتين قال لي اليوم او بكره تجيك ورقتك وخلال السنتين هذي بناء بيت ويرسل امه تقول بيرجعك اذا خلص البيت، سؤالي هل يحق لي افسخ النكاح بسبب عدم وجود بيت مستقل سابقا؟ واثبت عليه اخر رساله انه بيطلق؟ لاني مابي ادخل موضوع الخيانه بالمحكمه مهما كان هو ابو بنتي ساعدوني تكفون

#تساؤلات | انا متزوجة من خمس شهور وقبل ماتزوج وقبل الشوفه حتى قلت لزوجي مابي اطفال الا بعد الدراسه(باقيلي سنه وترم واتخرج) المهم وافق وماهتم لي وبعد الزواج بشهرين خلاني احمل غصب وللاسف حملت حمل خارج الرحم وسويت عمليه والدكتور قال لازم عالاقل تنتظر ٣ شهور تستعيد قوتها والحين مالي اسبوعين يبيني احمل ماقال ولا اجبرني لكن هو استعجل .. الان يصارخ ويهاوش وضرني نفسيا وطلبت الطلاق ورفض قال اخلعيني كيف اخلعه بدون مارجع شي من المهر لان ماني موظفه ماعندي ؟

#تساؤلات | مرحبا ، ممكن تسأل متابعينك لو خطب بنتك شخص مصاب بالتصلب اللويحي ووضعه مستقر وحالته الماديه زينه بس ماعنده وظيفه ثابته توافق؟ و ايش راي البنات هل ممكن توافق ، احتاج اسمع راي الناس بنتي رافضه وانا ما اشوف سبب للرفض خصوصن انه مستقر وسليم الرجل عمره٤٠ وبنتي٣٠ هل اذا اجبرتها تقدر تقاضيني انا ابي مصلحتها لا اكثر

#تساؤلات | السلام عليكم احتاج مشوره منكم او دعاء انا متزوجه وزوجي كان يحبني واحبه من حملت بدون سبب كرهني كان يعاملني معامله عاديه بس يرحمني اذا شافني تعبانه وبعد ماولدت والله وانا بالنفاس انقلب علي فجأه وحصلت بحسابه خطابات مسيار كثير ويتواصل معهم وعرفت انه بيتزوج او تزوج من رسايله لهم والحين كل شوي يقول روحي ل اهلك مابغاك بحياتي واترجاه اقوله انا ابغاك واحبك وصابره بيننا طفل يقول روحي اهلك مرات يتركني خمس شهور عندهم ومره ضربني بس يبغاني انا اطلب الطلاق احس محسودين دايم احلم احلام تدل على كذا بيننا حب قوي فجأه كرهني وصار بخيل علي حتى بالاكل والله جوعانه يهاوشني حتى لما ناكل وعندي فيديوات تبين ان الحق معاي ادعو لي الله يجبر قلبي والله ان يدينه ابوسها ولا تقبلني وش اسوي ؟

#تساؤلات | السلام عليكم ياليت تسال المتابعين افضل دكتور تقويم اسنان بشرق #الرياض تحديدا النهضه والخليج

#تساؤلات | وش سبب الرجال الي يمنعون زوجاتهم من زياره الأهل بالإجازات (مقتدر ماليا)

#تساؤلات | السلام عليكم اعطوني افضل اخصائي نفسي سلوكي في #جدة اخذ ادوية نفسية من ١٥ سنة وبحاول اتركها او اخفف منها بمساعدة الاخصائي السلوكي ومشكورين

#تساؤلات | أنا بنت عمري ٢٤ وزوجي ٣٢ صارلي ٧ شهور متزوجة يعني أعتبر عروس لكن الواقع مخيب للآمال للأسف أنا حملت من ثاني شهر لكن زوجي ما يشبعني جنسيًا ولا يريحني! اول شي ماني مقصره لا بنظافة/لبس/كشخة/دلع/ اسلوب حلو/ طاعة/ تلميح ومرات اصرح مباشرة اني ابيه لكن زي الجدار بشهر العسل كان يجيني كل ٣-٤ ايام مره وكان مضايقني الشي ذا وكلمته اكثر من مره مافيه فايده دايم يتعذر بالظروف ووو مرات يقول هذا الطبيعي شنو تبين اكثر ويقولي انتي بادري انتي حمسيني🙂 تعبت اقوله انت الرجال انت تبادر وبعدين أنا بنت وتوني عروس استحي منك مب راضي يستوعب وأساسًا أنا كل شي سويته والله هو يدخن وشفت عنده علاجات حق ضعف انتصاب وجيته بأكثر من طريقة عشان يفهم ويترك الدخان لكن لا حياة لمن تنادي الكارثة إنه حتى لما يجيني ما يجمل؟ اداء سيء مداعبة سيئة مو راضي يغير الوضعية ولا كلام يثير وكله روتين وحتى مدة العلاقة ما تتجاوز ١٥-٢٠ دقيقة وخلاص قلتله على الأقل ابي بالليلة نسويها اكثر من مره/ فترة اطول مب راضي بارد واناني اهم شي هو يشبع وخلاص أنا بالطقاق الحين آخر شهرين تقريبًا صار اردى من قبل بالأسبوع او عشر ايام مره بس!! كلمته يتعذر بالضغوطات والحياة والمسؤوليات وو والله إني تعبت ياناس انام وانا ابكي من القهر والحرمان مايحس فيني نسيت انوثتي وقلت ثقتي بنفسي وكرهت كل شي💔 الوحده تتزوج عشان تعف نفسها ولا عشان تعاني؟ وش الحل مع هالزوج؟ تنويه: اصحاب العقول المريضة خطابي ليس موجه لكم

#تساؤلات | ما الحدود في الزيارة فترة الملكة ؟ هل التقبيل والاحضان تكون فيها تجاوز ولا عايدي ؟ وما الهدايا التي تفضلها الزوجة في تلك الفترة ؟

#تساؤلات | انا صارت بيني وبين زوجي مشاكل اول ما تزوجنا وكنت صغيره مو متعوده ارتب البيت ولا اطبخ بعدين تسنعت وصرت اهتم الحين انا حامل الحين وهذا اول حمل وزوجي فتح معي موضوع اني مهمله البيت ومخليته وسخ وجلس يفتح مشاكل قبل وجلس يقول انتي ماينفع معاك الاسلوب الطيب ويضغط علي بالكلام الجارح لدرجة كسر قلبي علما عندي خدامه وتجي مرتين بالاسبوع واطبخ ومو مقصره معه وهو مهملني طوال اليوم برا البيت يوميا وكل يوم ابكي بسبب اهماله لي ايش الحل

#تساؤلات | السلام عليكم وش الحل مع الزوج اللي مايتكلم ابد وبس صامت واذا سالته يتجاهلني مثلًا كيفك وش مسوي يقول طيب وخلاص حاولت كثيييير معه لدرجه مثلًا بيطلع واقول بتطلع يقول لا فجاه القاه طالع وبرضو مثلًا يرسل يبغى شي اقول ليش يقول ولا شي او مثلًا اشوفه منشغل اقول وش مشغلك يقول لاتكثرين اساله رغم اني ماسويت شي ابد ما احس بالامان ولا احس انه زوجي لانه مايتكلم معي كزوج ابدًا رغم لنا ثلاث سنين ونص وعندي ولد وداااايم اداريه وارحب به واهلي لكن تعامله جدًا سيء مايحسسني اني منه وفيه وتكلمت كثييير يقول انتي كثيره اساله فكيني منك وفعلًا يعصب علي