#تساؤلات | #رمضان_كريم

#تساؤلات | خالتي ترسل بناتها عندنا برمضان هذي ثالث سنه اكبرهم عمرها ١١ واصغرهم عمرها ٦ بحكم انها موظفه وتتحجج ان ماعندها احد يساعدها امي بعد موظفه وانا وخواتي كلنا طالبات نرجع من الجامعه ٤ العصر وعلى المطبخ على طول وغير انها تكون فتره ميدات ولخبطة نوم تبينا نطبخ لهم ونراكض وراهم وندرسهم ونتابع صلواتهم ونغسل ملابسهم وكل ما اقول لامي بكلمها بالموضوع ترفض وتقول عيب هذي خالتك مع العلم انها صغيره بالعمر بداية الثلاثين وامي كبيره وتعبانه وسكوتها خلاها تتمادى معانا نخلص فاينلات قبل المدارس ومانصدق نأجز ترسلهم لنا بداية اجازتنا (اسبوع اختبارات المدارس) ندرسهم كيف اتصرف معاها بدون مازعل امي ولا اخليها تشيل علي

#تساؤلات | أنا امرأة عمري ٣٠ سنة، سبق لي الزواج، وانفصلت بعد زواج استمر ثلاث سنوات بسبب إدمان طليقي للمخدرات، والحمد لله على كل حال. ليس لدي أطفال. تقدم لي مؤخرًا شخص قريب من عمري، سبق له الزواج ولديه طفلان صغار يعيشان مع والدتهما و مع خادمتهم الإنسان يبدو محترمًا وجادًا، ولدي مسكن مستقل تماما لكن لدي مخاوف حقيقية وأفكر بعقلانية قبل اتخاذ أي خطوة. أخشى أنه في حال علمت زوجته السابقة بزواجه، قد ترمي الأطفال عليه فجأة، أو تحاول الرجوع إليه، أو تحدث مشكلات تؤثر على استقرار حياتنا. لا أريد أن أبدأ تجربة جديدة وأنا قلقة أو غير مستعدة لما قد يحدث. أطلب منكم مشاركة تجاربكم أو نصائحكم بوعي واحترام، دون تجريح أو أحكام مسبقة. أحتاج أن أسمع آراء ناضجة تساعدني أرى الصورة بشكل أوضح وأتخذ قرارًا مطمئنًا. جزاكم الله خيرًا مقدمًا

#تساؤلات | استفسار عندي صالون نسائي له 8 سنوات وابغى اطلع قرض عقاري اسوي عماره خاصه فيني هل يعطيني البنك واذا يعطيني هل لازم كفيل وكم يعطيني

#تساؤلات | عندي آيبادات أطفال وساعات نسائيه ابي اسوق لها ماني عارف أنقذوني بحلول متخسر كثير فيها

#تساؤلات | السلام عليكم ورحمة الله وبركاته انا انخطبت من رجال يبي يسكني عند اهله فوق بشقتهم ووافقت يوم عرفت انها شقه مستقله ومخرج خاص فيني وقالوا لنا الشقه زينه وان كل شي فيها جديد وان الرجال قاعد ياثثها ويرممها ويوم تزوجنا اكتشفت ان الشقه قديمه وقلت عادي اوكيه مافي مشكله الا اكتشف المطبخ قديم له 15 سنه عقب اخوه وزجته الي كانوا ساكنين قبلنا والفرن قديم وفيه بقع وصاخه ولا فكر انه يغيره او يحط واحد جديد لي وايام الملكه اساله هل المطبخ جديد يقول اي اي يوم تزوجنا اعترف لي انه قديم وانا مو قادره اطبخ فيه متقرفه منه ومهمها انظفه واتعب عليه الا احسه وصخ عجزت عجزت وش الحل لو انتم مكاني؟!

#تساؤلات | صديقتي عندها تصبغات كانت خفيفه وفي الظهر فقط سنه بعد سنه انتشرت صارت في العضد من الكتف للكوع كانها محروقه مو كانها تصبغات سببت ليه عقده نفسيه وانعدام ثقه ما تقدر حتى تلبس اي لبس ولا حتى نصف كم لما تعمل ليزر شعر حتى الممرضات ينصدموا منها ومن كميات التصبغات اللي فيها والحين صارت التصبغات في كل جسمها خسرت فلوس حاولت تعالجها بكل الطرق بدون فايده اخر شي ليزر بيكو بس خسرت فلوس بدون فايده هل هي مالها علاج او ممكن تتعالج لانها انتشرت في كل جسمها اتعبت نفسيتها استنزفتها ماديا ونفسيا

#تساؤلات | أنا عندي مشكلة في الأعصاب من بعد الكيماوي. إحساسي مو طبيعي: أحيانًا ما أحس بالحر ولا بالبرد، لا في الأكل ولا في جسمي، وحتى الألم ما أحسه مثل الناس بعضهم يقول هذاء اعتلال عصبي هل فيه حلول؟

#تساؤلات | السلام عليكم ابغى حل انا بنت كنت اسوق اول سنه تمام ماشاء الله حتى سرعتي في الدايري ١٢٠ ولا اخاف ولا شي بدت عليه اعراض نوبه هلع فجاءه طنشت اول مره وثاني وثالث تكررت معايه في الحي ماتجيني بس ااذا مسكت الدايري تجيني امشي سرعه ٦٠ ماني عارفه ليه وش الحل ؟؟!

#تساؤلات | السلام عليكم انا مملكه لي 4 شهور وزوجي مره كويس وطيب الحمدلله لكن يغيب كثير بس يجي يسال عن اخباري فقط ولا فيه موضوع جديد هل تحسونه مل مني ولا لا ؟ لانه صار يختفي بالساعات وانا من النوع الخجول ماعرف افتح موضوع صراحه او يمكن بسبب فرق العمر عمري 22 وعمره 30 احس ماني عارفه تفكيره ولا اعرف عنه شي احس مدري كيف فاهميني ؟ تكفون انصحوني ووجهوني

#تساؤلات | 🇸🇦 هل يمكن للمعلم استخراج وثيقة عمل حر والعمل بحيث لا تتعارض مع مهنته؟ .

#تساؤلات | السلام عليكم بستشيركم القالون فيه لحميات كثيره والدكتور قررلي عمليه ازاله القالون كامل وانا رافض هالفكره لان عمري٣٠ ولاتزوجت هل فيه علاجات طبيعيه او معالجات شعبيه او احد استخدم شي لايبخل علينا ودعواتكم لي

#تساؤلات | سلام عليكم لي قريب فجأه تغير صار يتكلم كثير ويسولف بمواضيع عن الأمراض وعن الناس وعن أشياء ثانيه ، وترك دراسته يواجه صعوبه نشاطه ضعيف صار عنده عصبيه وانفعال على خفيف وش تشخيصه للي يعرف

#تساؤلات | أنا في الثلاثينات وغير متزوجة، من عائلة كبيرة ومستقرة ولله الحمد، فقدت والدي قبل فترة قصيرة، وتركة والدي هي أصول عقارية والعديد من الممتلكات، ابحث عن تجارب حقيقية في الصناديق الوقفية ماهي ايجابياتها وسلبياتها مقارنة بالعقارات الوقفية، لدي مداخيل مادية تكفيني وزيادة وأسكن مع العائلة والفائض أنوي استثماره في الخير ماهي تجاربكم؟ اتمنى أن تكون الإجابة فقط من أصحاب التجربة

#تساؤلات | السلام عليكم انا خاطبني واحد كامل والكامل الله والزواج السنه الجايه بس متردده اتزوج وانا توني اول سنه جامعه ومسؤوليات اكبر مني عطوني نصايحكم 😢

#تساؤلات | السلام عليكم قمت بالتسجيل عبر تمارا لعلاج أسنان لدى أحد المستشفيات ثم ألغيت التعامل قبل إكمال العلاج بسبب سوء المعاملة أفادتني تمارا بأن الإلغاء يجب أن يتم من جهة المستشفى إلا أن المستشفى لا يرد على اتصالاتي و ما زلت أتلقى مطالبات بسداد الأقساط علمًا بأن لدي محادثات تثبت إلغاء العلاج بالكامل !!؟ وش الحل؟؟؟؟

#تساؤلات | أنا عندي سوال مملكه على شخص طوله 165 وانا طولي 152 الحقيقه أنا ماعندي مشكله مع الطول لكن اخاف انه قصير اجتماعي قبل الملكه شفت طوله وانسان زين وطوله حلو بالنسبه لي بس اقصد بالأماكن العامه هل طوله زين مثل ماشوفه ؟ صح أنا قصيره لكن والله فيه بنات كثير اقصر مني واشوف طولي طبيعي عند اللي حولي

#تساؤلات | انا متزوج من ٤ شهور تقريبا والبنت من اجمل مايكون خُلقا واوصافًا ، لكن بالايام القليلة الماضية صار يجيني حنين لحياتي السابقة ، المشكلة اني مو راعي طلعات ولا سهرات لكن كل ال٢٧ سنة الماضية كنت ماشي على روتين معين وفجأة كل شي تغير ودخلت حياة جديدة ، فيه تشتت غريب ومتأكد كل شخص يتمنى يكون عايش حياتي ..بس شعور ما اقدر اوصفه ، للمتزوجين هل يعتبر شعور طبيعي وممكن يختفي مع السنوات ولا فيه شي غلط ماديا مرتاح وكل شي ماشي تمام لكن مدري، لدرجة كل كم يوم ارجع لصوري القديمة واشوف تصويري واقول ليت هالايام ترجع ولا احد يقول بسبب المسؤولية انا اللي كنت قايم على اهلي مع ان عندي ٤ اخوان لكن اغلب اشغالهم كانت علي ومعتمدين علي يعني ابدا مو سبب ..كيف طريقة التفكير الصحيحة عشان افتك من اللي جالس يصير

#تساؤلات | زوجي كان موظف بمنطقه بعيده عن أهله وكنا عايشين بالمنطقه الي بعيده عن اهله وعندنا 4 اطفال وطول سكنا بمنطقة عمله كنا ساكنين بالإيجار وحتى لما جاه نقل موقت لمنطقة اهله سكنا بالإيجار والان جاه نقل دائم للمنطقة اهله وباقي على تقاعده تقريباً 4 او 3 سنوات وهو يماطل بشراء بيت ملك لنا وكل مره اقوله اشر بيت قبل تتقاعد بكره وين نروح نسكن بالإيجار لكل اخذ بيت ملك إلا احنا حتى الي وضعهم اقل منا اخذو بيت ملك وهو يماطل واحس يعاند لما اقوله خذ بيت مايتحرك والبنك بعد ماراح يعطيه. تمويل عقاري وش الحل تعبت اخاف يتقاعد ونقعد بدون بيت حاولت أساعده ابحث عن بيت سعره كويس ومناسب لنا لكن يتجاهل ولا يهتم ويعطيني جواله ويقول راسلي مكاتب العقار وشوفي هو مايسوى شي لحد ماخر شي قلت هذي مسؤليتك مو مسؤليتي والقرار قرارك ماراح اتكلم بالبيت بس ماراح اصبر وأكمل معك كذا ابي حل الله يعافيكم

#تساؤلات | تقدم لخطبة اختي (محقق بالنيابة العامة) رأيكم بالوظيفه والامتيازات وشخصية الزوج بناء على وظيفته والاستقرار الاسري ...الخ ؟

#اللهم_احفظ_السعودية اللهم من أراد ببلاد المسلمين سوءًا فأشغله بنفسه ورد كيده في نحره ، واجعل تدبيره تدميرًا عليه ، اللهم احفظ بلاد المسلمين من شر الأشرار وكيد الفجار وشر طوارق الليل والنهار ، اللهم احفظ بلاد المسلمين من عبث العابثين وكيد الكائدين وعدوان المعتدين.