— اللهم لك الحمد كما ينبغي لجلال وجهك وعظيم سلطانـك تم منحي رخصة موثوق للإعلانات وعلى بركة الله تمّ فتح باب الإعلانات رسميًا ونعدكم بإعلانات احترافية 👍🏻 مصداقية عاليّة، وبأسعار مناسبة للجميع تواصل عبر الخاص وأبشر بعزّك #استمتع_بالرحلة

— من الخاص 🎙️ انا تخصصي هندسة حاسب وجاني قبول برتبة رقيب في البريه مشغل اجهزه ومحتار اروح ولا اكمل فالشركه براتب 7000 ريال #استمتع_بالرحلة

— من الخاص 🎙️ من سكان الرياض وبالتحديد في الشمال ومستأجر معي مبلغ ٨٠٠ الف كاش وابغى اتملك عقار ولا ابغى اخذ عن طريق البنك واش تنصحون فيه شقه او دور شمال الرياض والا انتظر العقار لين ينزل #استمتع_بالرحلة

— من الخاص 🎙️ انا عسكري فني وعندي شهادة لغة إنجليزية وشهادة الكترونيات وخدمتي ٩ سنوات فعليه و ٩ سنوات اضافيه بمجموع ١٨ سنة وراتبي الاساسي الان ٥٧٦٠ ، وعندي اسياخ في الفخذ اثر كسر قديم ولو ارفع اوراقي للجنة الطبية هل يقاعدوني؟ لان بشهادات لي معي بقدر ان شاء الله اتوظف وظيفه مدنية #استمتع_بالرحلة

— من الخاص 🎙️ محامي مرخص متخرج من 2019 ولا لقيت وظيفه الوضع مرعب بشكل فضيع علم اني شغال بالقضايا بس مافيه استقرار وظيفي لدرجة صرت اسوي مقابلات بشركات سويت فيها مقابلات قبل اتمنى المساعده الوضع خارج عن السيطره #استمتع_بالرحلة

— من الخاص 🎙️ متخرج الفصل الأول من الجامعة ( بكالوريوس ) ودخلت دورة تبع التخصص بمسمى التأهيل الوظيفي وبنتدرب فيها تطوعي يعني مو تمهير ولا تدريب منتهي بالتوظيف ولاهي مطلوبة مننا في المنهج الدراسي أبد لقيت أحد فرص التدريب من الاقتراحات الي جاتنا منهم بشركة ناشئة متعاقدة مع قطاعات حكومية وقال لنا مدير الشركة بيكون فيه شواغر وظيفية قبل نهاية التدريب حسب خطتهم الحالية للتوسع وبيعطينا توصيات للي بيثبت نفسه طبعا على كلامه بيكون الوضع شغل رسمي اذا عندكم اشياء تفيدوني فيها أو توجهيات لاتبخلون علي #استمتع_بالرحلة

— من الخاص 🎙️ عندي استفسار عن كاش باك ملاءة يا اخوان الي منكم جرب يفيدني للضرورة وشكرا #استمتع_بالرحلة

— من الخاص 🎙️ معاي دبلوم علاقات عامة وإعلام مع خبرة عشر سنوات بالعمل الحكومي وتوني اخذت بكالوريوس قانون وشايل لي عايله وانا باقي عمري 28 سنه .. قدمت بكل مناطق المملكة على وظايف ولا زال يجيني رفض مع العلم اني محدث سيرتي الذاتية ولينكدن ومرتب الأمور كلها .. ابي اذا متابعينك عندكم نصيحه لي غير سالفة العلاقات والواسطه لان علاقاتي جداً جيدة والى الآن ما الله كتب لي شي - حالياً موظف لكن راتبي سبع الاف ويروح منه ست الاف التزامات وقاعد ادفدفها لين الله يفرجها .. " الإشكاليه مو بعدم التوظيف الإشكاليه حتى مقابلات شخصية مايجيني ترشيح " #استمتع_بالرحلة

— من الخاص 🎙️ اذا عندي فكرة تطبيق استثمارية ودي اطلعها للسوق ، اذا فيه جهة معيّنه تتبنى مثل هذه الافكار ياليت يدلوني عليها #استمتع_بالرحلة

— من الخاص 🎙️ اسأل متابعينك ايش افضل مدينة التوظيف فيها مريح وبحكم اني عندي بكالوريوس ولغة انجليزية ماعندي اللهم اني افهم للي يتكلم معاي بس م اعرف ارد عليه السؤال بحكم اني بكالوريوس تاريخ فين ينصحوني اروح #استمتع_بالرحلة

— من الخاص 🎙️ أنا عمري 28 وموظفة وعندي شغل خاص ومستقرة الحمدالله كثير انخطب بس مايكون مناسب او مانتفق حنا وهم والحين متقدم لي واحد منفصل وعنده بنت وموظف في قطاع عسكري وعمره ٣٢ ووضعه كبيئة وعائلة قريب مني ف مترددة من ناحية وضعه المادي اقل كذلك سبق له الزواج لكن النقطة الإيجابية الكل يمدحه واخواني مره يمدحونه كشخص واخلاق وتعامل ومتفهم لكن وش رايكم ؟ #استمتع_بالرحلة

— من الخاص 🎙️ عندي قرض عقاري مليون و 900 الف راتبي 11530 ريال على مدار 25 سنة اقسط 6500 يصفى من راتبي 5000 وعندي كاش 300 الف ممكن طريقه كيف استثمر فيها عشان اقفل القرض العقاري باسرع وقت #استمتع_بالرحلة

— من الخاص 🎙️ ما هو الإجراء القانوني المتاح ضد محامٍ تواصل مع المدعى عليه بحجة السعي للصلح، (ظاهرها الصلح وباطنها معرفه مالدي المدعي عليه من بينات او اقوال او مستندات ) مع إصرار المحامي على إتمام الصلح بشرط تنفيذ أمور معينة (كذا وكذا)، مقابل عدم تقديم الدعاوى، ثم فوجئ المدعى عليه بإقامة عدة دعاوى ضده دون وجود بينات كافية أو مسوغ شرعي ظاهر، مما تسبب في تفاقم النزاع ووقوع قطيعة رحم ونشوء خلافات بين المدعي والمدعي عليه . #استمتع_بالرحلة

— من الخاص 🎙️ عسكري خدمتي 8 سنوات واعاني من كسل العين وسويت تصحيح نظر قبل ادخل العسكرية بسنه وتجاوزت الفحص الطبي مع العلم ان وحده من عيوني كسوله ولا اشوف فيها نسبة الضعف فيها شديده والثانيه البس نظاره وماشي حالها الان لو ارفع للجنة الطبية يقاعدوني ولالا بسبب ان احد عيوني فيها كسل #استمتع_بالرحلة

— من الخاص 🎙️ عمري ٢٩ وللأمانة ماحصلت وظيفة رغم اني غطيت الفجوة البكالوريوس ودرست دبلوم سنتين إدارة عامة ولكن مادري ماضبطت قررت اتخذ خطوه وللأمانة خايف من المجهول بشكل كبير وانا في هم مايعلم فيه الا الله قررت اسافر كندا لمدة سنة دراسة لغة انجليزية وافكر السنه اللي بعدها اكمل ماجستير سنه إدارة أعمال سؤالي الله يعافيكم هل لو سافرت وارجع بتكون في فرص أمامي ولا لا العمر يعتبر كبير والفرص كل مالها تقل نصيحتكم محل اهتمام #استمتع_بالرحلة

— من الخاص 🎙️ ابي بنك تحويل مديونية الشخصي بدون تحويل راتب هل في بنك يقبل بدون تحويل راتب لان امكان عندهم سداد المديونية بس هامش الربح يوصل 20% #استمتع_بالرحلة

— من الخاص 🎙️ مطور عقاري وابي اخذ تمويل عقاري ب ١٢ مليون مين الجهات الي تعطي هذا المبلغ البنوك ما تعطيني لانه اول سنة لي #استمتع_بالرحلة

— من الخاص 🎙️ اذا كانت الخدمة الفعليه للعسكري 15 سنه وايضاً الخدمة الاضافيه 15 سنه ثم تقاعد بسبب عدم اللياقة الطبية واعطي نسبة التقاعد الطبي 70٪ ايهما يستحق #استمتع_بالرحلة

— من الخاص 🎙️ افكر أجر بيتي واسكن شقه ع قد العائله لان البيت كبير ومايخدمني اجتماعيا لان اقاربي شوي بعيد عنه فقلت بأجره واسكن شقه ايجار وودي انتبه للمشاكل من الاراء والنصايح مأجورين #استمتع_بالرحلة

— من الخاص 🎙️ أنا معلم راتبي الصافي ١٥٥٠٠ وراتبي على البنك الاول ساب وقدمت قرض ١٢٠ الف عن طريق التطبيق وحسبوها لي ١٣٧ يعني النسبه حدود ٢:٩٠ كم تتوقعون يعطوني اقل نسبه لو تفاوضت معاهم على نقل راتبي لبنك ثاني #استمتع_بالرحلة

— من الخاص 🎙️ انا حديث تخرج فني موظف الان ف شركة في جده عند اهلي براتب ٦٧٠٠ جاني عرض في شركه فالخرج براتب ١٠٢٠٠ ريال وش تنصحوني اهلي فجده وفي حال ابغى اتزوج عندي شقه ايضًا فجده #استمتع_بالرحلة